මොහොතකට එපිටින්

සොඳුරු රාත්‍රියෙක
සෙමින් ඇද හැළෙන
පිනි පොද වැසි මැද

හද ගැස්මකට හොරෙන්
ඔය සිනහ ඉවුරු දිගේ
පියවර තබන්

නින්නාද දෙන සිහින
ගිරිහෙල් තැනිතලා
පසු කරන්

දෑඟිලි පැටලෙනයුරු
දෙනයන ඉඟි කරනතුරු
හැඟුම් සරැළි ඉවුරු තලා
ගොඩ ගලනයුරු

මගෙන් දුරකට වී
ළඟින් ම හිඳ බලන්

ස්වප්නයට පෙර හෝරාවේ
නොනිදන හදට නොදැනෙන
සිතුවිලි සිතුවම් වර්ණ රේඛා
සුරතේ ගුලි කරන්

මග බලන්
මං එනවා සත්තකයි..

© 2013 Pamuditha Zen Anjana

Advertisements